Testo:
Stornèi moreti e bei, che a nuvoloni
giré per l'aria, liberi e beati,
zigando forte come tanti mati,
se' mati sì, ma pur se' cocoloni.
Cari stornèi quando d'istà
torné a svolar de qua e de là
el nostro nome porté lontan
stornì la gente, ma in italian!
Traverso mari e monti e boschi ombrosi
un pù bel nido no gavé trovado.
Trieste sola ve gà inamorado
e sempre qua torné più numerosi.
Cari stornèi, ecc.
Da qualche anno in qua, fan bella mostra
sul Municipio e dalla stessa ora,
e qualche cossa xé che ve inamora
e questa cossa xé la lingua nostra.